வாட்ஸ்அப் நினைவூட்டல்கள் — ஆண்டுத் திட்டம்
திட்டம் ஒவ்வோர் ஆண்டும் தானாகப் புதுப்பிக்கப்படும். உங்கள் கணக்கின் திட்டம் பக்கத்தில் எப்போது வேண்டுமானாலும் ரத்து செய்யலாம்; அடுத்த கட்டணம் எடுக்கப்படாது, ஏற்கனவே செலுத்திய ஆண்டின் இறுதி வரை நினைவூட்டல்கள் தொடரும். அடுத்த ஆண்டுக்குக் கட்டணம் வேண்டாம் என்றால், புதுப்பிப்புத் தேதிக்கு முன் ரத்து செய்யுங்கள்; அந்தத் தேதி உங்கள் கணக்கிலும், நாங்கள் அனுப்பும் மின்னஞ்சலிலும் இருக்கும்.
ஆண்டுக் கட்டணமோ புதுப்பிப்புக் கட்டணமோ திருப்பித் தரப்படாது; ரத்து செய்தாலும் அல்லது கணக்கை நீக்கினாலும், மீதமுள்ள காலத்துக்குப் பகுதிப் பணம் திருப்பித் தரப்படாது. இருமுறை கழிக்கப்பட்ட கட்டணம் மட்டுமே விதிவிலக்கு; அது கீழே விளக்கப்பட்டுள்ளது.
கணக்கை நீக்கினால் தானியங்கு கட்டண அனுமதி உடனே ரத்தாகும்; நினைவூட்டல்களும் உடனே நிற்கும்.
எங்கள் தரப்புத் தவறால் நினைவூட்டல்கள் வரவில்லை என்றால், எங்களுக்கு எழுதுங்கள்; சரிசெய்வோம்.
சந்திராஷ்டம திட்டம் (ஒருமுறை கட்டணம்): என்ன வாங்குகிறீர்கள்
சந்திராஷ்டம திட்டம் என்பது நீங்கள் தேர்ந்தெடுக்கும் நபர்களுக்கும் மாதங்களுக்கும் தயாரிக்கப்படும் தனிப்பட்ட PDF. இது ஒருமுறை மட்டும் செலுத்தும் கட்டணம்; தானாகப் புதுப்பிக்கப்படாது, அதன் பிறகு எந்தக் கட்டணமும் எடுக்கப்படாது.
பணம் செலுத்தும் முன்பே விலை தெளிவாகக் காட்டப்படும். கட்டணம் Razorpay வழியாகப் பெறப்படுகிறது; உங்கள் கார்டு அல்லது UPI விவரங்கள் எங்களிடம் வருவதில்லை.
சந்திராஷ்டம திட்டம் எப்படி வந்து சேரும்
பணம் செலுத்தியவுடன் திட்டம் திரையில் திறக்கும்; பதிவிறக்க இணைப்பு உங்கள் மின்னஞ்சலுக்கும் அனுப்பப்படும். அந்த இணைப்பு வாங்கிய நாளிலிருந்து 30 நாட்களுக்குச் செல்லுபடியாகும்.
பணம் திரும்பப் பெறுதல்
செலுத்திய கட்டணம் திருப்பித் தரப்படாது. சந்திராஷ்டம திட்டம் உங்களுக்காகவே தயாரிக்கப்பட்டு உடனடியாக வழங்கப்படும் டிஜிட்டல் பொருள்.
ஒரே ஒரு விதிவிலக்கு உண்டு; இது இரண்டு சேவைகளுக்கும் பொருந்தும். ஒரே வாங்குதலுக்கோ ஒரே புதுப்பிப்புக்கோ இருமுறை கட்டணம் கழிக்கப்பட்டிருந்தால், இரண்டாவது தொகை முழுமையாகத் திருப்பித் தரப்படும்; நீங்கள் செலுத்திய அதே முறைக்கே அது திரும்பும். வங்கியைப் பொறுத்து பொதுவாக 5–7 வேலை நாட்கள் ஆகும்.
சந்திராஷ்டம திட்டத்தில் எங்கள் தரப்பில் தவறு நேர்ந்தால்
பணம் செலுத்தியும் திட்டம் உங்களுக்கு வந்து சேரவில்லை என்றாலோ, திட்டத்தில் எங்கள் தரப்புத் தவறால் பிழை இருந்தாலோ, அதை நாங்களே சரிசெய்வோம்: திட்டத்தை அனுப்புவோம் அல்லது திருத்தித் தருவோம்; அத்துடன் மூன்று மாதங்களுக்கான சந்திராஷ்டம வாட்ஸ்அப் நினைவூட்டல்களைக் கட்டணமின்றித் தருவோம். உங்களிடம் ஏற்கனவே நினைவூட்டல் சந்தா இருந்தால், இந்த மூன்று இலவச மாதங்கள் உங்கள் தற்போதைய கட்டண ஆண்டு முடிந்த உடனே தொடங்கும்; நீங்கள் சந்தாவைப் புதுப்பிக்காவிட்டாலும் மேலும் மூன்று மாதங்கள் நினைவூட்டல்கள் தொடரும்.
இத்தகைய சூழல்களில் இப்படியே தீர்வு வழங்கப்படும்; பணம் திருப்பித் தரப்படாது.
கட்டணம் நிறைவடையாவிட்டால்
சில நேரங்களில் வங்கிக் கணக்கிலிருந்து தொகை கழிக்கப்பட்டாலும் கட்டணம் நிறைவடையாமல் போகலாம். அப்படிப்பட்ட தொகையை உங்கள் வங்கியே தானாகத் திருப்பி வரவு வைக்கும்; பொதுவாக 5–7 வேலை நாட்களுக்குள் இது நடக்கும். அதற்குள் வரவில்லை என்றால் எங்களுக்கு எழுதுங்கள்; Razorpay-உடன் சரிபார்த்துச் சொல்கிறோம்.
சந்திராஷ்டம திட்டம்: பணம் செலுத்தும் முன் விவரங்களைச் சரிபாருங்கள்
நீங்கள் தரும் பெயர், நட்சத்திரம், ராசி, மாதங்கள் ஆகியவற்றைக் கொண்டே திட்டம் தயாரிக்கப்படுகிறது. வாங்கிய பிறகு அது கட்டணமின்றி மாற்றப்படுவதோ மீண்டும் தயாரிக்கப்படுவதோ இல்லை. எனவே பணம் செலுத்தும் முன் சரிபார்ப்புத் திரையில் உள்ள விவரங்களைக் கவனமாகப் படியுங்கள்.
உங்கள் நட்சத்திரம் அல்லது ராசி உறுதியாகத் தெரியவில்லை என்றால், வாங்கும் முன் எங்களுக்கு எழுதுங்கள்; அதைக் கண்டறிய உதவுவோம்.
எங்களைத் தொடர்புகொள்ள
தொடர்பு பக்கத்தில் உள்ள மின்னஞ்சல் முகவரிக்கு எழுதுங்கள். வாங்கும்போது பயன்படுத்திய மின்னஞ்சல் முகவரி, கட்டணம் செலுத்திய தேதி, Razorpay கட்டண எண் (pay_ என்று தொடங்கும்), என்ன சிக்கல் என்பது ஆகியவற்றைக் குறிப்பிடுங்கள். இரண்டு வேலை நாட்களுக்குள் பதில் தருவோம்.
இந்தக் கொள்கையில் மாற்றங்கள்
புதிய கட்டணச் சேவைகள் சேர்க்கப்படும்போது இந்தப் பக்கம் புதுப்பிக்கப்படும். நீங்கள் வாங்கிய நாளில் நடைமுறையில் இருந்த கொள்கையே உங்கள் வாங்குதலுக்குப் பொருந்தும்.